O‘zbekiston Respublikasi Milliy gvardiyasi va Respublika Maʼnaviyat va maʼrifat markazi hamkorligida “Men ham harbiy bo‘laman” deb nomlangan kitob taqdimoti o‘tkazildi.
Milliy gvardiya Maʼnaviyat va maʼrifat markazida o‘tkazilgan taqdimotda ishtirok etgan Respublika Maʼnaviyat va maʼrifat markazi rahbari O.Hasanov, Milliy gvardiya qo‘mondoni o‘rinbosari o‘rinbosari polkovnik S.Mamayusupov, Oliy Majlis Senati aʼzolari, huquqshunos olimlar, yozuvchilar so‘zga chiqishib, mazkur kitob haqida tadbirda qatnashgan harbiy xizmatchi va xodimlar, kursantlar, muddatli harbiy xizmatchilar, “Temurbeklar maktabi” va Harbiy musiqa akademik litsey o‘quvchilari, poytaxtimizdagi mehribonlik uylari tarbiyalanuvchilariga kitobning qanchalik qiziqarli va dolzarb ekanligini so‘zlab berishdi. Aynan ushbu kitob Vatanparvarlikka yo‘g‘irilganligi bilan ahamiyatli ekanligini taʼkidlashdi. Unda tarix bilan bugungi kun hamoxang ekanligi, zamonaviy texnologiyalardan foydalanilganligi, jumladan QR kodlarni mobil qurilmadan foydalangan holda o‘qish va video tasvirlarni yoshlar ko‘rishi mumkinligi aytib o‘tildi.
Shuningdek, tadbir davomida Milliy gvardiya Ashula va raqs ansambli xonandalarining musiqiy chiqishlari, Jamoat xavfsizligi universitetining harbiy xizmatchisi tomonidan yaratilgan “Jadidlar”ga bag‘ishlangan qo‘shiq kuylandi. Bundan tashqari Milliy gvardiya qo‘mondonligiga yosh harbiylar uchun “Men ham harbiy bo‘laman” nomli kitobning dastlabki 100 tasi taqdim etildi. Albatta o‘tkazilayotgan bu kabi tadbirlar vatanparvarlikni yuksaltirishga qaratilganligi bilan ham ahamiyatlidir.
