BUVAYDA TUMANIDA ILK BOR “POLO” SPORT TURI BO‘YICHA MUSOBAQA TASHKILLANDI

Joriy yilning 13 sentyabr kuni O‘zbekiston Respublikasi Milliy Gvardiyasi Farg‘ona viloyati Qo‘riqlash boshqarmasi va Bo‘vayda tumani qo‘riqlash bo‘limi xodimlari tomonidan yoshlar va o‘smirlar o‘rtasida ot sportini rivojlantirish hamda yoshlarni ushbu sport turiga qiziqishlarini oshirish maqsadida, ot sportining “Polo” turi bo‘yicha Milliy gvardiya Qo‘riqlash bo‘linmalari sportchi-chavandozlari va tumanining uyushmagan yoshlari o‘rtasida tuman birinchiligi musobaqasi o‘tkazildi.

Tadbirda Tuman hokimligi, IIB masʼul xodimlari, Uloq-ko‘pkari federatsiyasi rahbariyati, 120 nafar o‘quvchi yoshlar hamda 40 nafardan ortiq mahalliy ot ishqibozlari ishtirok etishdi.

Mohir chavandozlarning ot ustidagi harakatlari barcha yig‘ilganlarga birdek hush kayfiyat baxsh etdi.

Qizg‘in va murosasiz kechgan bahslar yakuniga ko‘ra, musobaqa g‘oliblari Farg‘ona viloyati Qo‘riqlash boshqarmasi boshlig‘i va Buvayda tumani hokimining qimmatbaho sovg‘alari, Uloq-ko‘pkari federatsiyasining diplomlari va esdalik nishonlari bilan taqdirlandi.

Belgilangan matnni tinglash uchun quyidagi tugmani bosing Powered by GSpeech