MILLIY GVARDIYA QOSHIDAGI BOLALAR PSIXOLOGIYASI MARKAZI TOMONIDAN ILMIY-AMALIY FORUM TASHKIL ETILDI
Milliy gvardiya Maʼnaviyat markazi binosida bo‘lib o‘tgan mazkur tadbir, Bolalar psixologiyasi Markazi mutaxassislari tomonidan tashkil etildi. "Ota-ona qaramog‘idan mahrum bo‘lgan va voyaga yetmagan bolalar hamda o‘smirlar o‘rtasida taʼlim, rivojlanish, ijtimoiy moslashishda vujudga kelgan buzilishlar (xulq og‘ishlari, ruhiy jarohat) sabablari va mexanizmlarini aniqlash va oldini olish" mavzusidagi ilmiy-amaliy forum yuqori darajada bo‘lib o‘tdi.
Mazkur forumni Milliy gvardiya qo‘mondoni polkovnik S.Mamayusupov kirish so‘zi bilan ochib berdi.
Forum Maktabgacha va maktab taʼlimi, Kambag‘allikni qisqartirish va bandlik hamda Ichki ishlar vazirliklari, shuningdek, O‘zbekiston Respublikasi psixologlar Assotsiatsiyasi hamkorligida tashkil etilib, unda Oliy majlis Inson huquqlari bo‘yicha vakili-o‘rinbosari-Bola huquqlari bo‘yicha vakil(ombudsman) A.Yunusova, O‘zbekiston Respublikasi Isroil davlati elchixonasi xodimi D.Furman, “Psixosfera” psixologik markazi direktori S.Yuldashev, “Psiholog-ekspert” MCHJ rahbari S.Aliyevlar o‘z maʼruzalari bilan ishtirok etishdi.
Anjumanga 300 dan ortiq o‘rta maktab psixologlari, 100 dan ortiq voyaga yetmaganlar masalalari bo‘yicha inspektor-psixologlar, 100 dan ortiq oliy va maxsus taʼlim muassasalari psixologlari, Milliy gvardiya tizimidagi psixolog-mutaxassislar, Oila va xotin-qizlar bo‘yicha hamda Sog‘liqni saqlash tizimi mutaxassislari, shuningdek mahalla faollari hamda OAV xodimlari tashrif buyurdilar.
Tadbirning badiiy qismida Bolalar psixologiyasi markazida faoliyat olib borayotgan raqs to‘garagi aʼzolari tomonidan xoreografik kompozitsiyalar namoyish etilib barcha ishtirokchilarga yuqori kayfiyat ulashildi.
Forum yakunida faol ishtirok etgan mutaxassislar va hamkor tashkilotlar vakillari sertifikatlar hamda esdalik sovg‘alari bilan taqdirlandilar.
