Milliy gvardiya hududiy boshqarmalari o‘rtasida bo‘lib o‘tgan "Dog biatlon" musobaqasi g‘oliblari aniqlandi
Milliy gvardiya Farg‘ona viloyati bo‘yicha boshqarmasi mezbonligida bo‘lib o‘tayotgan O‘zbekiston Respublikasi Milliy gvardiyasi miqyosida “Dog biatloni" bellashuv yakunlandi.
Musobaqa natijalariga ko‘ra “Dog biatloni yakka tartibda yugurish”, “300 metrli to‘siqlardan xizmat itlari bilan o‘tish”, “G‘alabaga bo‘lgan kuchli irodasi uchun”, “Dog biatloni 3200 metr masofaga yakka tartibda yugurish”, “Dog biatloni estafetasi” kabi qator nominatsiyalar bo‘yicha g‘oliblar aniqlandi.
1-o‘rinni Milliy gvardiya Farg‘ona viloyati bo‘yicha boshqarmasi 83721 harbiy qism mutaxassis kinologi III darajali serjant Sardor Nurmatov;
2- o‘rinni Milliy gvardiya Farg‘ona viloyati bo‘yicha boshqarmasi 82318 harbiy qism mutaxassis kinologi kichik serjant Davron Bo‘riyev;
3-o‘rinni Milliy gvardiya Buxoro viloyati bo‘yicha boshqarmasi mutaxassis kinologi kichik serjant Nizomjon Norqo‘ziyevlar qo‘lga kiritdi.
G‘olib va sovrindorlarga diplom, kubok va qimmatbaho sovg‘alar bilan rag‘batlantirildi.
Taqdirlash marosimiga tashrif buyurgan Farg‘ona hamda Oltiariq tumanidagi harbiy vatanparvarlik sinfi o‘quvchilari hamda mehmonlar uchun mutaxassis kinologlar tomonidan tayyorlangan o‘zining sodiq do‘stlari ishtirokidagi maxsus ko‘rgazmali chiqishlar namoyish etildi.
