Bugun Samarqand shahridagi Yakka kurash bo‘yicha ixtisoslashtirilgan sport maktabida "Qo‘l jangi" sport turi bo‘yicha respublika chempionatining saralash janglariga start berildi
Musobaqaning ochilish marosimida O‘zbekiston huquqni muhofaza qilish organlari qo‘l jangi federatsiyasi raisi-Milliy gvardiya qo‘mondoni R.Djurayev ishtirok etib, barcha sportchilarga omad tiladi.
Yoshlarning har tomonlama sog‘lom va barkamol bo‘lib voyaga yetishlarida hamda sog‘lom turmush tarzida sportning o‘rni beqiyosdir.
Xususan, yoshlarni keng qamrab olgan hamda ularning qiziqishlari orqali iqtidor va isteʼdodlarini ro‘yobga chiqarishga xizmat qilib kelayotgan sportning "Qo‘l jangi" turi bugungi kunda o‘smir va yoshlar hatto qizlarimiz o‘rtasida ham kundan kunga ommalashib borayotganligini alohida taʼkidlash joiz. Bu esa Qo‘l jangi federatsiyasi rahbariyati va murabbiylariga katta masʼuliyat yuklaydi.