“XXXII-SPARTAKIADA” DASTURIGA KIRITILGAN SPORT TURLARI BO‘YICHA MUSOBAQALARNI SPORTCHILARIMIZ FAXRLI 3-O‘RIN BILAN YAKUNLADI
O‘zbekiston Respublikasi Milliy gvardiyasining sport turlari bo‘yicha terma jamoasi O‘zbekiston “Dinamo” jismoniy tarbiya sport jamiyati Respublika kengashining huquqni muhofaza qiluvchi organ xodimlari va harbiy xizmatchilari o‘rtasidagi 2023 yil “XXXII-Spartakiada” dasturiga kiritilgan 9 ta sport (voleybol, stol tennis, yengil atletika, xizmat ko‘p kurashi, futbol, o‘q otish, shaxmat, qo‘l jangi, sambo) turida 15 ta (Ichki ishlar vazirligidan 6 ta, Davlat xavfsizlik xizmatidan 2 ta, Milliy gvardiyadan 2 ta, Prezident davlat xavfsizlik xizmati, Bojxona qo‘mitasi, 10002 harbiy qism, Toshkent shahar va Toshkent viloyati “Dinamo” jismoniy tarbiya sport jamiyati kengashlari) jamoalari ishtirok etgan musobaqalarda 3-o‘rinni Milliy gvardiya jamoasi, 2-o‘rinni PDXX jamosi va faxrli 1- o‘rinni DXX jamoasi qo‘lga kiritdi. Toshkent davlat transport institutida bo‘lib o‘tgan taqdirlash marosimida g‘olib jamoalarga ko‘chma kubok topshirildi. Shuningdek, 2024 yil “XXXIII-Spartakiadasi” dasturiga kiritilgan voleybol musobaqasi o‘yinlariga start berildi.
