O‘ZBEKISTON RESPUBLIKASI MILLIY GVARDIYASI VA O‘ZBEKISTON VOLONTYORLARI ASSOTSIATSIYASI O‘RTASIDAGI O‘ZARO HAMKORLIK TO‘G‘RISIDA MEMORANDUM IMZOLANDI

O‘zbekiston Respublikasi Milliy gvardiyasi Markaziy devonida Milliy gvardiya qo‘mondonligi va O‘zbekiston volontyorlari assotsiatsiyasi o‘rtasida o‘zaro hamkorlik to‘g‘risida memorandum imzolandi.

Mazkur hujjatga ko‘ra tomonlar o‘rtasida ijtimoiy-siyosiy va g‘oyaviy-maʼrifiy sohalarda ijtimoiy sheriklik munosabatlari mustahkamlanadi va kuchaytiriladi.

Shuningdek, O‘zbekiston Respublikasining “Volontyorlik faoliyati to‘g‘risida”gi qonuni, O‘zbekistonda yoshlarga oid davlat siyosatini 2025 yilgacha rivojlantirish konsepsiyasi hamda 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasida belgilangan vazifalarni amalga oshirish uchun kuchlarni birlashtirgan holda mavjud salohiyatdan samarali foydalaniladi.

Ushbu hamkorlik to‘g‘risidagi memorandum tomonlarning kelgusidagi faoliyatlarida ijtimoiy ahamiyatli loyihalarni amalga oshirish imkoniyatini beradi. Tomonlarning kelishuviga ko‘ra ushbu hujjatning amal qilish muddati doimiy hisoblanadi.

Belgilangan matnni tinglash uchun quyidagi tugmani bosing Powered by GSpeech