O‘zbek tili bayrami bilan yurtdoshlarimizni tabriklaymiz! / / Sanitariya va ekologiya sohasidagi qonunbuzarliklar to‘g‘risida maʼlumot olish uchun Telegram-bot ishga tushirildi / / 1354 yilda sanitariya va ekologiya sohasidagi qonunbuzarliklar to‘g‘risida hisobot / / Milliy gvardiya Ichki ishlar boshqarmasi bilan birgalikda sanitariya va ekologiya sohasidagi qonunbuzarliklarni aniqlash bo‘yicha reydlar o‘tkazmoqda / / Toshkentda Open FC 35 aralash yakkakurashlar boʻyicha katta turnir boʻlib oʻtdi, unda Milliy gvardiya xodimi Azamat Nuftillayev chempionlik kamarini qoʻlga kiritdi / / "qalqon" jamoat guruhi ("qalqon") oʻz faoliyatini boshladi / / milliy gvardiya tizimidagi ayol harbiy xizmatchilar va xodimlar oʻrtasida "Toʻmaris izdosh" koʻrik-tanlovi oʻtkazildi.) / / "Tarix mutaxassisi", "harbiy qoʻshiqning eng yaxshi ijrochisi"tanlovlarining respublika bosqichi yakunlandi, Harbiy xizmatchilar va Qurolli kuchlar xodimlari oʻrtasida" eng yaxshi yosh yozuvchi "va" eng yaxshi yosh shoir " / / "xalqlar doʻstligi" saroyida jamoat tartibini saqlash va fuqarolarning xavfsizligini taʼminlashga qaratilgan qoʻshma oʻquv-taktik mashgʻulotlar oʻtkazildi / / Nukusda yoshlar uchun “Ochiq eshiklar kuni” tashkil etildi / / “Xavfsiz mahalla-xavfsiz mamlakat!” profilaktik tadbirlari doirasidagi jinoyat va huquqbuzarliklarni oldini olishga qaratilgan hamkorlikdagi chora-tadbirlar davom etmoqda / / Jamoat xavfsizligi Universitetida kursantlar qasamyod qabul qildi / / Milliy gvardiya tizimida ustoz va murabbiylarga ehtirom ko‘rsatildi//Toshkent shahri va barcha viloyatlarda Milliy gvardiya va Huquqni muhofaza qilish organlari hamkorligida “Xavfsiz hudud” profilaktik tadbirlari o‘tkazilmoqda 

Ўз O'z Ру En

QO‘RIQLASH BOSH BOSHQARMASINING YANGI BINOSI FOYDALANISHGA TOPSHIRILDI

Milliy gvardiya Qo‘riqlash Bosh boshqarmasining zamon talablariga mos bo‘lgan yangi binosi Qo‘riqlash xizmatining 70 yilligi arafasida foydalanishga topshirildi. Bu o‘ziga xos ramziy maʼno kasb etib, Qo‘riqlash xodimlari uchun esda qolarli voqea bo‘ldi.

Mazkur tantanali marosimda Milliy gvardiya qo‘mondoni, general-mayor R.Djurayev, qo‘mondon o‘rinbosari, polkovnik M.G‘aniyev, Belarus Respublikasi IIV Qo‘riqlash departamenti boshlig‘i, militsiya general-mayori A.Shepelev, tizim faxriylari, shuningdek, Qo‘riqlash bosh boshqarmasi shaxsiy tarkibi hamda yangi binoni qurishda ishtirok etgan pudratchi tashkilot vakillari ishtirok etdilar.

Genеral-mayor R.Djurayev o‘zining kirish so‘zida foydalanishga topshirilayotgan ushbu yangi bino shaxsiy tarkib uchun munosib sovg‘a ekanini taʼkidlab, bunda yaratilgan shart-sharoitlar va yaratilgan texnik imkoniyatlar barcha xodimlarga yana-da kuch-quvvat va shijoat bag‘ishlashiga ishonch bildirdi.

Tadbir davomida Milliy gvardiya qo‘mondonining buyrug‘iga ko‘ra, mehmonlarga va faxriylarga, shuningdek xizmat faoliyati davomida yuqori natijalarga erishib kelayotgan bir guruh xodimlarga "Namunali xizmatlari uchun" hamda "Milliy gvardiya fidoyi xodimi" ko‘krak nishonlari, shuningdek, faxriy yorliqlar topshirildi.

Shundan so‘ng, ramziy tasma kesilib, tashrif buyurgan mehmonlar yangi binoda yaratilgan shart-sharoit va qulayliklar bilan yaqindan tanishdilar.

Xususan, Qo‘riqlash bosh boshqarmasining yangi tashkil etilgan Axborot tahlil va monitoring markazi ishtirokchilarning eʼtiborini tortdi. Axborot tahlil va monitoring markazi katta hajmli kuzatuv ekrani bilan jihozlangan, so‘ngi rusumdagi va yetarlicha xotira quvvatiga ega bo‘lgan server qurilmalari o‘rnatilgan bo‘lib, real vaqt rejimida qo‘riqlovdagi obyektlarga kirib-chiqishni hamda texnik qo‘riqlash vositalarining joriy holatini nazorat qilish, tezkor harakatlanuvchi guruhlar, hududiy bo‘linmalar navbatchilik qismlari faoliyatini kuzatib borish, boshqarish, shuningdek, huquqni muhofaza qiluvchi boshqa organlar bilan tezkor aloqa qilish tizimi bilan taʼminlangan.

Shuningdek, binoda "Qo‘riqlash bosh boshqarmasi tarixi muzeyi" tashkil etilgan bo‘lib, qiziqarli tarzda rasmiylashtirilgan eksponatlar, fotosuratlar, tarixiy hujjatlar mamlakatda jismoniy va texnik qo‘riqlash tarixini aks ettirib, 70 yillik zalvorli yo‘lni bosib o‘tgan Qo‘riqlash xizmati faoliyatidan hikoya qiladi.

Tadbir so‘ngida Milliy gvardiya qo‘mondoni, general-mayor R.Djurayevning O‘zbekistonga rasmiy tashrif bilan kelgan Belarus Respublikasi Ichki ishlar vazirligi Qo‘riqlash departamenti boshlig‘i, militsiya general-mayori A.Shepelev boshchiligidagi delegatsiya bilan rasmiy uchrashuvi bo‘lib o‘tdi.

Xalqaro hamkorlikning tarixiy sahifalaridan o‘rin olgan ushbu uchrashuvda Qo‘riqlash sohasidagi hamkorlik istiqbollari, xususan, hamkorlikda yangi texnik qo‘riqlash jihozlari, vositalari va uskunalarini ishlab chiqarishni yo‘lga qo‘yish, xodimlar malakasini oshirish masalalari atroflicha muhokama etildi va kelishuvlarga erishildi.

 

Text to speech