ҚАЛБАКИ ПУЛЛАРНИ МУОМАЛАГА КИРИТГАН ШАХС ҚЎЛГА ТУШДИ
Жорий йилнинг 1 март куни Фарғона вилояти Қўқон шаҳри Лойиҳавий кўчасида жойлашган савдо растаси сотувчиси фуқаро М.Ж. ушбу ҳудудда хизмат олиб бораётган Миллий гвардия ҳарбий хизматчиларига мурожаат этиб, ундан 1 дона 100 000 сўмлик купюрани майда купюрага алмаштиришни сўраган номаълум фуқарога 1 дона 50 000 ва 5 дона 10 000 сўмлик купюраларни берганини, аммо орадан бироз вақт ўтиб, номаълум фуқаро берган 100 000 сўмлик купюрани қалбакилигини сезиб қолганини маълум қилган.
Шундан сўнг, ҳарбий хизматчилар томонидан олиб борилган тезкор чора-тадбирлар натижасида номаълум фуқаро қўлга олиниб, дастлабки суриштирувда унинг Қўқон шаҳрида истиқомат қилувчи 21 ёшли М.О. эканлиги аниқланган. Шунингдек, фуқаронинг ёнидан чиққан 16 дона қалбаки 100 000 сўмлик купюралар ашёвий далил тариқасида олиниб, тегишли ҳужжатлар расмийлаштирилган.
Ҳозирда мазкур ҳолат юзасидан Қўқон шаҳар ИИБ томонидан суриштирув ишлари олиб борилмоқда.