Davlatimiz rahbarining “Oilaviy bolalar uylari faoliyatini takomillashtirishga oid qo‘shimcha chora-tadbirlar to‘g‘risida”gi qaroriga sharh. // 4 AVGUST MILLIY GVARDIYA TASHKIL TOPGAN KUN! // O‘zbekiston Respublikasi Milliy gvardiyasi qo‘mondoni Turkiya Respublikasi Ichki ishlar vaziri bilan uchrashdi // Milliy gvardiya xodimining sheʼriy to‘plami chop etildi // Farg‘ona mintaqaviy o‘quv markazida tantanali qasamyod qabul qilish va sertifikat topshirish marosimlari bo‘lib o‘tdi / / Farg‘ona viloyati IIB hamda Milliy Gvardiya xodimlari hamkorligida qidiruvdagi shaxs qo‘lga olindi / / G‘ijduvonda noqonuniy ravishda isteʼmolga yaroqsiz yog‘ mahsulotlari ishlab chiqarib kelayotgan sex faoliyatiga chek qo‘yildi / / O‘zbekiston Respublikasi Qurolli kuchlari Akademiyasi tashkil etilganligining 104 yilligini nishonladi  / /Qoraqalpog‘iston Respublikasida vaziyat barqarorlashdi // Favqulodda holat davrida soat 21:00 dan 07:00 gacha komendantlik soati amal qiladi / / O‘zbekiston Respublikasi Milliy gvardiyasi qo‘mondoni general-mayor Rustam Djurayev komendantura boshlig‘i etib tayinlandi. Prezident farmoni bilan fuqarolar xavfsizligini taʼminlash, ularning huquq va erkinliklarini himoya qilish, huquq-tartibotni tiklash maqsadida Qoraqalpog‘iston Respublikasi hududida soat 00 dan boshlab favqulodda holat tartibi joriy etildi: 2022-yil 3-iyul soat 00- 01 dan 2022-yil 2-avgust soat 00:00 gacha // Qoraqalpog‘istonga kirish va chiqish cheklangan, ommaviy tadbirlar taqiqlanadi. // O‘zbekiston Respublikasi Jamoat xavfsizligi universitetini tamomlagan magistrlarni bitirishga bag‘ishlangan tantanali marosim bo‘lib o‘tdi. // O‘zbekiston Respublikasi Milliy gvardiyasi delegatsiyasining Turkiya Respublikasiga rasmiy tashrifi doirasida, Turkiya jandarmeriyasi bilan ikki tomonlama hamkorlikni yana-da rivojlantirish istiqbollari va tajriba almashish yuzasidan kelishuvlarga erishildi // O‘zbekiston Respublikasi Milliy gvardiyasi qoshidagi “Temurbeklar maktabi” harbiy akademik litseyi va Harbiy musiqa akademik litseyi o‘quvchilariga diplom topshirish marosimi bo‘lib o‘tdi. / / O‘zbekiston Respublikasi Prezidenti "Qo‘l jangi sport turini yana-da rivojlantirish chora-tadbirlari to‘g‘risida "gi qarorni imzoladi  / / Milliy gvardiyaning 1215 qisqa raqamli telefon tarmog‘i faoliyati yo‘lga qo‘yildi / / “Qo‘riqlash faoliyati to‘g‘risida”gi Qonun Prezident tomonidan imzolandi / / Milliy gvardiya Jamoat xavfsizligi universiteti bitiruvchilari yosh ofitserlariga tantanali ravishda diplomlar topshirildi // O‘zbekiston Respublikasi Milliy gvardiyasi va Buyuk Britaniya Qirollik polki harbiy orkestrlarining ijodiy uchrashuvi bo‘lib o‘tdi / / Sirdaryo viloyatida, Milliy gvardiyaning dala o‘quv bazasida tashkil etilgan harbiylashtirilgan yozgi oromgohga navbatdagi yoshlar guruhi qabul qilindi. / / Toshkent viloyati va shahrida favqulodda vaziyatlarni oldini olish va bartaraf etishda hamkor vazirliklarning birgalikdagi harakatlari yuzasidan o‘quv mashg‘ulotlari davom etmoqda / / Jamoat xavfsizligi universitetining bitiruv bosqich kursantlari yakuniy davlat attestatsiyasini muvaffaqiyatli yakunladilar / /  Milliy gvardiya mintaqaviy o‘quv markazlarida "Harbiy vatanparvarlik" oromgohlari faoliyati yo‘lga qo‘yilgan bo‘lib, ularda mahalliy yoshlar ham hordiq chiqarishi mumkin / / Milliy gvardiyaning bir qator faxriylari faxriylar harakatini rivojlantirishdagi xizmatlari uchun ilk bor “Milliy gvardiya fahriysi” ko‘krak nishoni bilan taqdirlandi

Qo‘l jangi sport turini yana-da rivojlantirish chora-tadbirlari to‘g‘risida

O‘zbekiston Respublikasi Prezidentining qarori

Qo‘l jangi sport turini aholi, ayniqsa, yoshlar, Qurolli Kuchlar harbiy xizmatchilari va huquqni muhofaza qilish organlarining xodimlari o‘rtasida yana-da ommalashtirish, soha uchun moddiy-texnik bazani mustahkamlash hamda malakali kadrlar, trenerlar va hakamlar tayyorlashga bo‘lgan eʼtiborni yana-da kuchaytirish maqsadida:

1. Quyidagilar:

qo‘l jangi bo‘yicha 10 ming nafardan ortiq yoshlar va harbiy xizmatchilar (xodimlar) sport mashg‘ulotlari bilan muntazam shug‘ullanib kelayotganligi;

qo‘l jangi bo‘yicha 230 nafar O‘zbekiston sport ustalari va 60 nafar Xalqaro toifadagi O‘zbekiston sport ustalari yetishib chiqqanligi;

qo‘l jangi o‘zida boks, taekvondo, kurash, karate, sambo, ushu kabi sport turlarini jamlaganligi va so‘nggi yillarda boshqa anʼanaviy sport turlariga nisbatan keng ommalashib borayotganligi;

O‘zbekiston huquqni muhofaza qilish organlarining Qo‘l jangi federatsiyasi respublikaning huquqni muhofaza qilish organlari va “Dinamo” jismoniy tarbiya sport jamiyati tashabbusi bilan tashkil etilganligi;

qo‘l jangi Mustaqil Davlatlar Hamdo‘stligi mamlakatlari orasida har yili o‘tkaziladigan “Armiya o‘yinlari” dasturiga kiritilganligi maʼlumot uchun qabul qilinsin.

2. Qo‘l jangi sport turini rivojlantirishning asosiy yo‘nalishlari etib quyidagilar belgilansin:

qo‘l jangi bo‘yicha tizimli ravishda musobaqalar o‘tkazish hamda iqtidorli sportchilarni aniqlash, tanlash va saralash (seleksiya);

qo‘l jangini yana-da ommalashtirish, bu borada yoshlarni sport klublari, seksiyalari va to‘garaklariga keng jalb etish hamda shu orqali sportchilarning jinoyatlarni sodir etish va jinoiy guruhlarga qo‘shilib ketishining oldini olish;

qo‘l jangi bo‘yicha professional trenerlar, malakali hakamlar va mutaxassislarni tayyorlash tizimini rivojlantirish, o‘quv-uslubiy qo‘llanmalar ishlab chiqish;

qo‘l jangi bilan shug‘ullanish uchun zarur moddiy-texnik baza va infratuzilmani shakllantirish;

qo‘l jangini ham ustuvor sport turi sifatida Qurolli Kuchlar va huquqni muhofaza qilish organlarining jismoniy tayyorgarlik mashg‘ulotlariga bosqichma-bosqich kiritish;

qo‘l jangini Qurolli Kuchlar xizmatchilari va huquqni muhofaza qilish organlari xodimlari hamda aholi o‘rtasida, shu jumladan, ommaviy axborot vositalari orqali keng targ‘ib qilish.

3. O‘zbekiston huquqni muhofaza qilish organlarining Qo‘l jangi federatsiyasi, Milliy gvardiya, Davlat xavfsizlik xizmati, Mudofaa vazirligi, Ichki ishlar vazirligi, Favqulodda vaziyatlar vazirligi, Davlat bojxona qo‘mitasi hamda Sportni rivojlantirish vazirligining 2023 yildan boshlab anʼanaviy tarzda qo‘l jangi sport turi bo‘yicha:

har yili Toshkent shahrida 14 yanvar ‒ Vatan himoyachilari kuniga bag‘ishlangan Qurolli Kuchlar chempionatini hamda o‘z xizmat vazifasini bajarish chog‘ida qahramonlik va jasorat ko‘rsatib, halok bo‘lgan harbiy xizmatchilar va xodimlar xotirasiga bag‘ishlangan Xotira turnirini tashkil etish;

har yili Namangan shahrida professional sportchilar o‘rtasida “O‘zbekiston Respublikasi Prezidenti kubogi” xalqaro turnirini o‘tkazish;

har ikki yilda bir marotaba Qarshi, Samarqand va Buxoro shaharlarida yoshlar o‘rtasida “Amir Temur kubogi” xalqaro turnirini o‘tkazish to‘g‘risidagi takliflari maʼqullansin.

O‘zbekiston huquqni muhofaza qilish organlarining Qo‘l jangi federatsiyasi (R.Djurayev), Sportni rivojlantirish vazirligi (A.Ikramov) manfaatdor vazirlik va idoralar bilan birgalikda:

ikki oy muddatda ushbu qarorning 3-bandida ko‘rsatilgan musobaqalarga puxta tayyorgarlik ko‘rish va ularni yuqori saviyada o‘tkazish bo‘yicha chora-tadbirlar rejasini tasdiqlasin;

xalqaro turnirlarda mahalliy sportchilar bilan birgalikda yuqori reytingga ega bo‘lgan kuchli xalqaro sportchilar, trenerlar va hakamlarning ishtirokini taʼminlasin;

yuqoridagi musobaqalar va turnirlarni o‘tkazish jarayonini mahalliy va xorijiy ommaviy axborot vositalari hamda boshqa kommunikatsiya manbalarida keng yoritsin.

Turizm va madaniy meros vazirligi (B.Ibragimov) yuqoridagi musobaqalar va turnirlarni turistik marshrutlar obyektlari ro‘yxatiga kiritsin, ularga xorijiy va mahalliy turistlarni jalb qilish choralarini ko‘rsin.

4. Sportni rivojlantirish vazirligi (A.Ikramov), O‘zbekiston huquqni muhofaza qilish organlarining Qo‘l jangi federatsiyasi (R.Djurayev):

uch oy muddatda qo‘l jangi bo‘yicha trenerlar, hakamlar va mutaxassislarni qayta tayyorlash hamda ularning malakasini oshirish rejasini tasdiqlasin va uning amalga oshirilishini taʼminlasin;

Xalq taʼlimi vazirligi bilan birgalikda 2022/2023 o‘quv yilidan boshlab umumiy o‘rta taʼlim maktablarida qo‘l jangi bo‘yicha taniqli va faxriy sportchilar hamda trenerlar ishtirokida seminar, trening, mahorat saboqlarini tashkil etsin.

5. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari O‘zbekiston huquqni muhofaza qilish organlarining Qo‘l jangi federatsiyasi bilan birgalikda ikki oy muddatda:

a) har bir hududning bitta tuman (shahar)ida qo‘l jangini ustuvor sport turi sifatida belgilasin hamda uni rivojlantirish va ommalashtirish bo‘yicha “yo‘l xaritalari”ni ishlab chiqsin. Bunda, quyidagilar nazarda tutilsin:

tegishli tuman (shahar)da qo‘l jangi bo‘yicha sport bazalarini tashkil etish yoki mavjudlarini ushbu sport turiga qayta ixtisoslashtirish;

tegishli tuman (shahar)da qo‘l jangini ommalashtirish maqsadida mahalliy byudjetlarning qoldiq mablag‘lari va daromadlar rejasining oshirib bajarilgan qismidan mablag‘ yo‘naltirish;

b) O‘zbekiston huquqni muhofaza qilish organlarining Qo‘l jangi federatsiyasi hududiy bo‘linmalarining moliyaviy va moddiy-texnik bazasini mustahkamlashga ko‘maklashsin;

v) joylardagi rahbar kadrlar orasidan nomzodlarni O‘zbekiston huquqni muhofaza qilish organlarining Qo‘l jangi federatsiyasi hududiy bo‘linmalarining raisi lavozimiga tavsiya etib borsin.

6. Toshkent shahar hokimligi (J.Artikxodjayev), Davlat aktivlarini boshqarish agentligi (A.Ortiqov), Sportni rivojlantirish vazirligi (A.Ikramov) 2022 yil yakuniga qadar O‘zbekiston huquqni muhofaza qilish organlarining Qo‘l jangi federatsiyasini maʼmuriy bino bilan, shuningdek, qo‘l jangi bo‘yicha milliy terma jamoa aʼzolarining o‘quv-mashg‘ulot yig‘inlarini o‘tkazish uchun sport bazasi bilan tekin foydalanish huquqi asosida taʼminlash choralarini ko‘rsin. Bunda:

O‘zbekiston huquqni muhofaza qilish organlarining Qo‘l jangi federatsiyasi tomonidan sport bazalariga metodik yordam ko‘rsatish;

O‘zbekiston huquqni muhofaza qilish organlarining Qo‘l jangi federatsiyasi tomonidan umumiy va maxsus jismoniy tayyorgarlik, o‘quv mashg‘ulotlari va musobaqalarni o‘tkazish uchun ochiq turdagi sport maydoni va sport zallaridan foydalanish belgilab qo‘yilsin.

7. Qo‘l jangi sport turini yana-da rivojlantirish va ommalashtirish bo‘yicha qo‘shimcha manzilli chora-tadbirlar dasturi ilovaga muvofiq tasdiqlansin.

8. Milliy gvardiya (R.Djurayev), Davlat xavfsizlik xizmati (A.Azizov), Mudofaa vazirligi (B.Kurbanov), Ichki ishlar vazirligi (P.Bobojonov), Favqulodda vaziyatlar vazirligi (A.Kuldashev), Davlat bojxona qo‘mitasi (A.Mavlonov) va boshqa huquqni muhofaza qilish organlari bir oy muddatda Qurolli Kuchlar va huquqni muhofaza qilish organlarining jismoniy tayyorgarlik mashg‘ulotlariga qo‘l jangini kiritish, shuningdek, tizim xizmatchilari va xodimlari orasida mazkur sport turini keng targ‘ib qilish bo‘yicha “yo‘l xaritalari”ni ishlab chiqsin va amalga oshirsin.

9. O‘zbekiston huquqni muhofaza qilish organlarining Qo‘l jangi federatsiyasi (R.Djurayev), O‘zbekiston Milliy axborot agentligi (A.Ko‘chimov), O‘zbekiston Milliy teleradiokompaniyasi (A.Xadjayev), Axborot va ommaviy kommunikatsiyalar agentligi (A.Xodjayev) hamda Sportni rivojlantirish vazirligi (A.Ikramov) bir oy muddatda quyidagilarni nazarda tutuvchi qo‘l jangi sport turini rivojlantirish borasida amalga oshirilayotgan ishlarni ommalashtirishga qaratilgan targ‘ibot dasturini ishlab chiqsin va amalga oshirsin:

qo‘l jangi bo‘yicha maqolalar yozish va eʼlon qilish, shuningdek, maxsus roliklar tayyorlash va efirga uzatish;

faxriy ustozlar va nufuzli musobaqalar g‘oliblari ishtirokida turkum teleko‘rsatuvlarni tashkil etish;

qo‘l jangi bo‘yicha musobaqalarni o‘tkazish jarayonlarini hamda ularda erishilgan yutuqlarni keng yoritish va targ‘ib qilish.

10. Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari hududiy telekanallar, ommaviy axborot vositalari va boshqa kommunikatsiya manbalarida mazkur qarorning maqsad va vazifalari, qo‘l jangi sport turi bo‘yicha maʼlumotlarni keng yoritib borish ishlarini amalga oshirib borsin.

11. Ushbu qarorning ijrosini samarali tashkil qilishga masʼul va shaxsiy javobgar etib sportni rivojlantirish vaziri A.I.Ikramov hamda O‘zbekiston huquqni muhofaza qilish organlarining Qo‘l jangi federatsiyasi raisi,  Milliy gvardiya qo‘mondoni R.M.Djurayev belgilansin.

Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish O‘zbekiston Respublikasi Bosh vaziri A.N.Aripov hamda O‘zbekiston Respublikasi Prezidentining maslahatchisi A.A.Abduvaxitov zimmasiga yuklansin.

 

       O‘zbekiston Respublikasi

            Prezidenti                                                        Sh.MIRZIYOYEV

Toshkent shahri,

2022 yil 20 iyun

Belgilangan matnni tinglash uchun quyidagi tugmani bosing Powered by GSpeech