Respublika miqyosida Milliy gvardiya inspektor-psixologlari bilan o‘quv-uslubiy yig‘ini boshlandi
Milliy gvardiyaning hududiy boshqarmalari va Jamoat xavfsizligi universiteti bazasida inspektor-psixologlar uchun joriy yilning 19 iyun kunidan 30 iyun kuniga qadar o‘quv-yig‘ini bo‘lib o‘tmoqda. Unda inspektor-psixologlarning bilim va ko‘nikmalarini, jismoniy va jangovar tayyorgarligini oshirishga, harbiy kasb mahoratlarini yuksaltirishga, haqiqiy Vatan himoyachilari, har tomondan yetuk va tajribali kadr etib tarbiyalashga, huquqiy savodxonliklarini yana-da oshirishga alohida eʼtibor qaratilmoqda.
Inspektor-psixologlar mashg‘ulotlar davomida ko‘p yillik tajribaga ega mutaxassis kadrlardan chuqurlashtirilgan huquqiy bilim va kasbiy ko‘nikmalarni egallamoqda. Bu esa ularning kelgusi faoliyatlarida mustahkam poydevor bo‘lib xizmat qiladi.
Shuningdek, mashg‘ulotlar dala o‘quv poligonlarida ham olib borilib, ularning jangovar tayyorgarlik sifatlari oshiriladi.
