Samarqand shahridagi Registon maydonida umum o‘rta taʼlim maktablarida tashkil etilgan “Yosh gvardiyachilar” ixtisoslashtirilgan sinflari o‘quvchilarining vaʼda berish qasamyodi bo‘lib o‘tdi
Oʻquvchi yoshlarni Vatanparvarlik ruhida tarbiyalash, ularning bilim salohiyatini hamda harbiy sohaga boʻlgan qiziqishini yanada oshirish maqsadida Samarqand viloyatidagi maktablarda “Yosh gvardiyachilar” ixtisoslashtirilgan harbiy vatanparvarlik sinflarini faoliyati yoʻlga quyilib kelinmoqda. Bugun erta tongdan “Registon” majmuasida umumiy oʻrta taʼlim maktablari hamda ixtisoslashtirilgan sinf oʻquvchilarining vaʼda berish qasamyodiga bagʻishlangan tantanali tadbir tashkil etildi.
Koʻtarinki ruhda tashkil etilgan ushbu tadbirda Milliy gvardiya Samarqand viloyati boʻyicha boshqarmasi hamda Maktabgacha va maktab taʼlimi boshqarmasi rahbariyati, maktab maʼmuriyati, oʻquvchilar hamda ularning ota-onalari va tegishli mutasaddilar ishtirok etishdi.
Dastlab tadbir davlatimiz madhiyasining ijrosi bilan boshlandi, soʻngra tadbirda soʻz olgan yosh gvardiyachilarga tabriklab, ularning kelgusidagi oʻqishlariga, muvaffaqiyat va ishonch bildirishdi.
Shundan soʻng, oʻquvchi yoshlar tomonidan oʻzlarining masʼuliyatlarini anglagan holda kelajakda chuqur bilim egasi boʻlishda va vatanimizga sadoqatli hamda jamiyat uchun foydali shaxs boʻlib yetishishda bor kuch-gʻayratini safarbar etishga tantanali vaʼda berishdi.
Uchrashuv soʻngida harbiy xizmatchilarning jangovar koʻrgazmali-harbiy hamda muddatli harbiy xizmatchilarning safona chiqishlari namoyish etildi.
