⚡️2022-2026 йилларда Янги Ўзбекистонни ривожлантириш стратегиясини белгилаш ва уни амалга ошириш масалалари бўйича видеоселектор йиғилиши бўлиб ўтди / Тажовузкорни ҳибсга олган Янгийўл тумани Қўриқлаш хизмати ходимлари рағбатлантирилди / Оилавий болалар уйи тарбияланувчилари чуқурлаштирилган тиббий кўрикдан öтказилмоқда / Ёшларнинг бўш вақтларини мазмунли ўтказиш учун спорт ва маданий тадбирлар ташкил этилмоқда
Ўз O'z Ру En

“AMIRSOY POLO CUP 2022” МУСОБАҚАСИ: МИЛЛИЙ ГВАРДИЯ ТОШКЕНТ ШАҲАР ЖАМОАСИ ФАХРЛИ 1-ЎРИНДА

Жорий йилнинг 9 январь куни Амирсой тоғ курорти ҳудудида 2200 метр баландликда қор устида от полоси бўйича "Amirsoy Polo Cup 2022" мусобақаси бўлиб ўтди. Мусобақада NRG Polo, Миллий гвардия от спорти бўйича Республика олий спорт маҳорати мактаби, OFB Polo ва Миллий гвардия Тошкент шаҳри бўйича бошқармаси маҳоратли чавандозларидан иборат бўлган жами 4 та жамоа иштирок этди. Баҳслар 4 дақиқадан 4 тайм давом этди. Биринчи ярим финал баҳсида Миллий гвардия от спорти мактаби жамоаси спортчилари OFB Polo жамоасига 8:1 натижаси билан ҳисобни бой берди.

Кейинги баҳсларда Миллий гвардия жамоаси NRG Polo жамоаси спортчиларини 2:1 ҳисобида мағлубиятга учратди.

Мусобақанинг финал босқичи учун кечган баҳсда Миллий гвардия жамоаси 3:1 ҳисобида OFB Polo жамоасини ҳам мағлубиятга учратиб, мусобақа ғолибига айланди.

Моҳир чавандозлар миллий қадриятларимизга бўлган ҳурмати ва улуғ аждодларимизга хос мардлик ва жасоратларини намоён этиб, ушбу мусобақани ҳаяжон билан томоша қилган ёшлар қалбида от спортига бўлган қизиқишларини уйғота олишди.

Олқишлар остида ўтган мусобақа якунида ғолиб ва совриндорларга кубок ҳамда қимматбаҳо совғалар топширилди.

Белгиланган матнни тинглаш учун қуйидаги тугмани босинг Powered by GSpeech