Respublika miqyosida oʻtkazilgan "Yangi nafas" ommaviy yugurish musobaqalarida Milliy gvardiya harbiy xizmatchi va xodimlari faol ishtirok etishdi.
Joriy yilning 12 mart kuni Navroʻz umumxalq bayrami munosabati bilan Respublikamiz boʻylab "Yangi nafas" ommaviy yugurish musobaqasi boʻlib oʻtdi. Mazkur musobaqa Respublika yoshlar siyosati va sport vazirligi, Milliy olimpiya qoʻmitasi hamda yengil atletika federatsiyasi kabi qator tashkilotlar bilan hamkorlikda oʻtkazildi. Barcha ishtirokchilar qatori marafonda Milliy gvardiya harbiy xizmatchi va xodimlari ham munosib ishtirok etishdi. Shu bilan bir qatorda, masʼul vazirliklar hamkorligida jamoat tartibi saqlandi va fuqarolar xavfsizligi taʼminlanib, tadbirning bayramona kayfiyatda oʻtishi nazoratga olindi.
Taʼkidlash joizki bu kabi marafonlarning oʻtkazilishi fuqarolarning salomatligiga boʻlgan eʼtibor va gʻamxoʻrlikni kuchaytirish, ularni sogʻlom turmush tarziga oʻrgatish, ayniqsa, yoshlarimizni bir maqsad sari birlashtirish, qolaversa, sportning turli koʻrinishlarida yosh isteʼdodlarni yetishtirib chiqarishga keng zamin yaratmoqda.