Ўз O'z Ру En

“ЁШ ГВАРДИЯЧИ” ҲАРБИЙ-СПОРТ МУСОБАҚАСИ ЎТКАЗИЛДИ

Ёшларни ватанпарварлик руҳида тарбиялаш, касбга йўналтириш мақсадида Қорақалпоғистон Республикаси бўйича Миллий гвардия бошқармасида Тўрткўл, Хўжайли, Чимбой туманлари ва Нукус шаҳрида жойлашган мактабларнинг ҳарбий-ватанпарварлик йўналишига ихтисослаштирилган синф ўқувчилари ўртасида, “Ёш гвардиячи” ҳарбий-спорт мусобақасининг Қорақалпоғистон Республикаси босқичи бўлиб ўтди.

Мазкур мусобақа тўққизта шартдан иборат бўлиб, ўқувчилар жамоаларни таништириш, саф тайёргарлиги, белгиланган масофага югуриш, зарарланган ҳудуддан ўтиш ва биринчи тиббий ёрдам кўрсатиш шартларида ўзаро куч синашди.

Беллашув якунида ғолиблар аниқланиб, уларни тақдирлаш маросимида Қорақалпоғистон Республикаси бўйича Миллий гвардия бошқармаси бошлиғи полковник М.Юсупов, Қорақалпоғистон Республикаси Халқ таълими вазири Р.Реймов, Ёшлар ишлар агентлиги мутахассислари ва кенг жамоатчилик вакиллари иштирок этди.

Тадбирда сўз олганлар, ёшларнинг қайси касб эгаси бўлишларидан қатъий назар, аввало ватанни асраб авайлаш ҳамда халқ хизмати учун ҳамиша тайёр бўлиш кераклиги тўғрисида таъкидлаб ўтишди.

Тадбир сўнгида ғолиб жамоаларга кубок, диплом ва қимматбаҳо совғалар топширилди.

 

Белгиланган матнни тинглаш учун қуйидаги тугмани босинг Powered by GSpeech