Ўзбекистонлик спортчилар қўл жанги бўйича халқаро чемпионатда 18 та олтин медални қўлга киритишди ва умумжамоа ҳисобида ҳам 1-ўринни эгаллашди. // Жамоат хавфсизлиги университети вакили лейтенант Алина Ҳакимова Триатлон бўйича Халқаро чемпионатда тўрт маротаба ҳам биринчи ўринни эгаллади. Миллий гвардия Самарқанд вилояти бўйича ҳарбий хизматчилари эстафетада ғолиб чиқиб, биринчи ўринни қўлга киритишди.

Ўз O'z Ру En

Хотира - азиз, қадр - муқаддас!

Мамлакатимизда ҳар йили 9 май — Ғалаба байрами " Хотира ва қадрлаш куни" сифатида кенг нишонланади.
Ана шундай эзгу ишларни изчил давом эттириш, дунё миқёсида кенг нишонланадиган буюк сана — Ғалабанинг 77 йиллик байрами муносабати билан Давлатимиз раҳбарининг "Иккинчи жаҳон уруши қатнашчиларини рағбатлантириш тўғрисида"ги Фармони ижроси юзасидан Миллий гвардия қўмондонлиги,Тошкент шаҳри ва туман ҳокимлиги, ҳамкор вазирликлар, Қуролли кучлар фахрийлар кенгаши аъзолари, Жамоат хавфсизлиги университети курсантлари, Темурбеклар мактаби ва ҳарбий мусиқа академик лицейлари ўқувчилари томонидан Иккинчи жаҳон уруши қатнашчиси Загида Мамлеева ҳамда Коломинцева Антонина ҳолидан хабар олиниб,уларга ҳурмат-эҳтиром кўрсатилди.
Тадбир давомида уруш фахрийларига президент табриги ўқиб эшиттириб, 15миллион сўм миқдорида бир марталик пул мукофоти ва "Янги Ўзбекистон" рамзи акс эттирилган қимматбаҳо эсдалик совғалари тантанали равишда топширилди.
"Алвон беретлар" жамоаси ҳамда ҳарбий мусиқий академик лицейининг иқтидорли ўқувчилари томонидан куйланган ватанпарварлик ҳамда тинчликни мадҳ этувчи куй-қўшиқлар уруш фахрийси ва тадбир иштирокчиларига байрамона кайфият бағишлади.
Жажжи болажонларнинг ҳарбий либосдаги ташрифи, ифодали шеър ўқишлари ҳамда қўшиқларга ҳамоҳанг рақслари тадбирга ўзгача файз бахш этди.
Бу каби эзгу ва хайрли амалларнинг давомийлиги Ўзбекистон халқининг жанг майдонларидаги, уруш ортидаги қаҳрамонлиги ва фидокорона меҳнатини, тарихий хизматларини мамлакатимиз ва жаҳон жамоатчилигига етказиш ҳамда абадийлаштириш, ёш авлодни ота-боболаримиз жасоратига муносиб бўлган, бугунги тинч, осойишта ҳаётни асраб-авайлаш ва янада мустаҳкамлашга қодир, жонажон Ватанимизга садоқатли инсонлар этиб тарбиялашга кенг замин яратмоқда.

Белгиланган матнни тинглаш учун қуйидаги тугмани босинг Powered by GSpeech